周三全港熄電視

丁一一

良心茶餐廳響應　
【本報訊】除了上街，民間正醞釀多項行動反對政府發免費電視牌黑箱作業。有網民發起10月30日（周三）舉行「全港熄電視日」，抗議港人連看電視也沒選擇權。有良心茶餐廳表明響應。                                    

「睇來睇去都係爛劇」                                        太子界限街基隆茶餐廳每周向露宿者派飯盒，曾經獲得社會福利署的「傑出社區愛心商戶」榮銜。東主曹女士共經營三間茶餐廳，由於收費電視費用高昂，晚上一般只會收看無綫翡翠台。
曹女士上周日參加反黑箱作業遊行，本周三也會響應熄電視行動，「政府剝削市民應有權利，唔係幫王維基爭，而係政府要話畀人聽，點解變三揀二？」
曹女士不擔心客人對熄電視行動反感，「相信啲客會接受，（無綫）冇嘢睇，睇來睇去都係爛劇」。她估計，熄電視行動本身不會促使政府檢討發牌，但希望藉此吸引市民關注，鼓勵上街，「主要係表達吓想多啲嘢揀，叫多啲人去政總先至有用」。
不過，熄電視行動響應人數未必能夠在收視調查中反映出來。本港收視調查由央視索福瑞媒介研究（CSM）負責，全港挑選650戶家庭安裝記錄儀，涉及2,000人，錄得的數據代表全港230萬個家庭的收視狀況，每一點收視等於63,740人。
換言之，除非這650戶當中，有相當數量的家庭響應熄電視行動，否則此行動對收視的影響不大。全港熄電視日專頁：http://www.facebook.com/hknotvday

                               
登錄/註冊後可看大圖

明星　市民　點睇熄電視

                               
登錄/註冊後可看大圖

【梗係支持】                                        古天樂：
「梗係支持（熄電視），發多個牌多啲選擇好啲，有競爭先有進步。」                                    

                               
登錄/註冊後可看大圖

【我都參與】                                        方力申：
「都會支持港視，希望發三個牌，好似30號有熄電視運動，我都會熄電視。」                                    

                               
登錄/註冊後可看大圖

【熄多幾日】                                        葉小姐：
「熄電視行動得一日，但收視率唔係一朝一夕，要政府同TVB重視行動，起碼要熄幾日。」                                    

                               
登錄/註冊後可看大圖

【絕對可行】                                        阮小姐：
「我覺得可行，起碼TVB知道冇人睇佢，幾百萬人響應嗰陣，政府就知道應該做啲嘢。」                                    

                               
登錄/註冊後可看大圖

拿起遙控器，網民發起本周三齊齊熄電視。設計圖片

Singasing

Support

我好少睇中文台

海龙

撐, 每月一日.