■60歲瑞士籍洗碗工Fanny工作量一般，半小時只洗一盤碗碟。溫瑞麟攝
【本報訊】洗碗工難求，身價創新高！《蘋果》發現，過往人工低、工時長仍有人「等住做」的洗碗工，如今深水埗有六成食肆有工無人做；旺角有咖啡室以時薪65元請人仍無人問津；油麻地有餐廳轉請洋婦於「冷氣房」洗碗；連鎖快餐店集團旗下茶餐廳亦無奈變陣，編排侍應幫手。飲食界人士直言：「請洗碗好似落Bid（投標）咁，價高者得！」
記者：馮詩媚 金敏琍 溫瑞麟
「高薪聘請洗碗員，時薪65元」、「上班時間任擇」……旺角、深水埗近日出現琳瑯滿目的洗碗工廣告，記者發現福榮街10間食肆有6間缺人；旺角花園街有樓上咖啡室以時薪65元請洗碗工，老闆阿滔慨嘆：「廣告貼咗4日都未請到人！」
■Fanny每日工作10小時，月入萬多元。
老闆：本地人嫌三嫌四 老闆們絞盡腦汁，位於油麻地寧波街的串燒店「蜀一燒」，去年便以萬多元月薪請來港30年，已有香港身份證的60歲瑞士籍女工Fanny洗碗，每日晚5朝3、工作10小時，記者見她身穿圍裙及手套，於舖面拖地，亦於廚房洗碗盆工作，腳下有冷風機吹着，工作量一般，半小時洗一盤碗碟。
Fanny似乎默默耕耘，用不純正廣東話稱：「我唔識聽唔識講中文，very busy！」姓陳老闆指：「本地人好難請，嫌三嫌四，試過返一日就走咗！外國人唔識中文，有工就做，安份守己！」，並強調已依足勞工法例聘用Fanny。
■串燒店老闆指外國人較安份守己，有工就做。
業界變陣幫襯洗碗工場 經濟學家關焯照稱，最低工資實施後，最無競爭力的一群變得有議價能力，「同樣30蚊，做看更好過洗碗啦！」並指市場會慢慢調節，如酒樓以高時薪「炒散」請人，洗碗工場應運而生彌補不足，香港餐飲聯業協會會長黃家和則指，現時的求職者多數會揀工做，「洗碗工人都要睇吓有冇洗碗機，有幾多人手、工時同人工！」故業界已變陣，「多咗用即棄餐具，幫襯洗碗工場」。
| 
雷达卡
發表於 2013-10-7 11:02:49
置顶卡
喧嚣卡
变色卡
显身卡
樓主