中門大開：特殊顧問

TKT

PRC consultant

中策組開會要對住邵善波之流，試問叻人會否以此為榮？


據報中策組新人事新作風，會精簡part time member人數，由40人縮至20人，個朵就改為特邀顧問──associate member，方便開會及凸顯顧問重要地位。其實人多人少，改乜嘢名堂都冇所謂，最重要係委任背後嘅原則——人事政策。

官場多年前流傳一則笑話，話說民建聯克勤仔獲委任為特首辦特別助理──special assistant，有高官問另一位高官，行政長官特別助理同助理有乜分別，時值08年京奧剛完畢，該高官笑笑口說，分別就好似Olympics同Special Olympics，當場哄堂大笑。
在政務官眼中，回歸十多年，水平低劣之親中政客大量進軍各級公職架構，早已不以為然。劉夢熊當年也獲委任當中策組，一粒老鼠屎，足以搞臭一大鍋粥。人家在專業、商界及傳媒有頭有面，以前顧汝德年代，大家都認為揀得入去CPU都會係叻人、勁人、猛人，與有榮焉，自然會努力出謀獻策。

盲目撐政府　能力有限
家一去到開會，先對住高靜芝、王卓祺、邵善波，你話叻人會否以此為榮？再望一望左右兩邊，完全唔識佢係乜水，打開剛收到卡片，仆你個街，大串銜頭第一個就係山西政協，再望落去全部中港貿易、車牌代理。再睇睇左邊那位女士，有啲熟面口，好似上過港台左右紅藍綠，望望佢前面名牌，XYZ！原來係愛港力。再望過去其他人名牌，華菁會、菁英會、關愛香港協會、新界青年聯會……。CPU成為建制派政治酬庸，為左派蛋散嘅政治CV加多一項履歷，用來呃北京中央，顯示愛國愛港陣營已成功培育大量治港人才，你如果真係土生土長嘅專業、商界、傳媒、學術精英，下次你還會去同呢班人開會，為特區出謀獻策？儍的嗎！

呢班建制自己人，近親繁殖，所以政見相近、能力低，走埋一齊就除咗識self congratulation外，就係齊心批評傳媒唔中肯，力撐CY都唔係咁差，大家要發動沉默大多數支持政府，三道板斧，問你死未。如此政府智庫，即使改稱特邀顧問，在政治上，也只屬Special Olympics水平！

添馬男                                   

                               
登錄/註冊後可看大圖

                               
登錄/註冊後可看大圖