|
梁振英由選舉時否認致電曾鈺成起，已表現出smart ass強項，捉字蚤、玩文字。一年下來冇乜改過，只係巿民及傳媒學精晒，尤其「我冇講過我冇僭建」一句，已跌破了政客政治道德底線。
一個平日操弄文字修辭去同市民溝通嘅特首，在施政層面會否回歸誠實呢？絕對唔會。由過去兩星期政府所吹出嘅風所見，今次聲稱挽救梁振英民望嘅施政報告，大家一定要小心閱讀，細心分析，穿透佢施政偽術。
主打房屋土地，張震遠聲稱要建立土地儲備，原來前朝曾蔭權兩年前施政報告已宣佈此政策，任何時間有足建兩萬個住宅單位的土地在手。至於造地計劃，包括在維港以外填海及入綠化地帶建屋，亦早已表示要諮詢。所謂寸土必爭，只係空喊口號。
至於協助年輕人置業，提供資助房屋，只會製造更大房屋需求。對單身青年申請公屋長期輪候，政府以往就用排隊方式，令人知難而退，梁振英則反其道而行，結果不斷提高社會的期望，需求大增。即使今日開始不顧一切後果瘋狂起屋，將政府規劃社區設施用地改建成單幢公屋，搞亂了全港的社區規劃，也沒有足夠單位，去滿足呢條申請人龍。
扶貧不應再用一次性紓困措施，曾蔭權被批評短視，冇針對深層次矛盾。梁振英要用具所得再分配功能的政策去減低貧富差距。全民退休保障政策將是衡量梁是否有心處理貧窮問題的benchmark，其餘老人院舍、社區居家安老、綜援出雙糧均屬前朝舊政策。梁振英施政偽術其中一招是將前朝舊政策當自己新猷，如曾蔭權最後幾個月力推老人搭車優惠，佢就當正自己政績來抽水。曾蔭權任內停收外傭稅多年，政府內部係人都知唔會重新實施，但政府吹風畀TVB話會考慮正式取消外傭稅，又係取巧之施政偽術。
愛取巧 唔好信字面內容
至於環保，陸恭蕙近日已堆定沙包，為梁振英當日亂噏毋須起新焚化爐做定功夫，認為非起不可，堆填區非擴建不可。梁作為特首，誠信全無，噏得出就噏，但求過關攞掌聲，50幾歲人已唔會變。佢第一份施政報告，要用放大鏡閱讀，唔單止睇佢講乜，仲要諗清楚佢點解咁講，更重要係有乜嘢冇講。千萬不要信字面內容。
你話做香港人，幾費勁！
添馬男
| 
雷达卡
發表於 2013-1-15 11:24:45
置顶卡
喧嚣卡
变色卡
显身卡
樓主