有傳中央準備定plan B，隨時搵鬍鬚曾接替振英。

TKT

振英答問會變咗惹火大會，阿爺睇到頭擰擰。傳媒事後吹出中央準備定plan B，一旦民情沸騰，振英落，鬍鬚上。
我估計振英性格，自己死亦要人陪葬，佢身邊兩大司長林鄭奶媽及鬍鬚財爺將會俾梁粉砌，尤其民調顯示振英民望跌，林鄭反而升，點會唔扯火。為了杜絕兩人頂替自己，肯定對佢哋處處設防，鬼影幢幢。                                    
左派大戰官僚集團  
鬍鬚曾為人低調，沉默寡言，處事圓滑，粗中有細，係人才之選。佢同林鄭兩人在新政府表現，高下立見。奶媽處處要威，要limelight、做主角話事，遇有不如意便哭訴，只是一位能吏，而非領導將才。鬍鬚曾自成一個系統，同一班財金官員不受梁振英指揮，佢背後有北京中央支持，功能係幫阿爺睇實特區盤數，防止梁振英用乜嘢金融改革名義搞香港淡馬錫，「fing」光特區儲備。而財金系官員同北京一直熟絡，習總舵主左右手王岐山，手握中紀委反貪大權，同陳德霖、曾蔭權、曾俊華早已認識，且有私交。振英要搞鬍鬚曾，談何容易！
振英一上台就押後施政報告到明年1月，貼實財爺預算，目的只有一個，就係架空財政司對公共開支的影響力。將施政報告同預算一齊傾，有利民望之派錢筍嘢就由振英1月搶先領功，明眼人一睇就知佢諗乜。梁機關算盡，可惜此舉造成上任頭半年施政空窗期，全無重點，美其名成熟一項推出一項，實則胡亂出招，章法大亂，玩唔死鬍鬚曾，先玩死自己。
振英為搶救民望保命，明年1月定必盡派，但盤數揸在庫務局及財政司之手，要通派先要過政務官一關；至於土地供應，一樣握在地政官員手上；至於人事調動，暗派高靜芝掌政治銓敍科，驚動政務官集團，大家已決定對着幹。錢、地、人乃施政之根本資源，振英調動無從，想搶救民望也不容易。
林鄭在特首不信任動議時放假回國探親，高層至今未有一人肯為振英政治品格背書，見微知著，梁粉與政務官集團之互片，將會更激烈，直至迫使中央出手，押注於其中一方，plan B才有可能出現。
過去左派同官僚集團有兩次交手，各勝一仗，董陳爭，董勝，但之後曾取而代之，轉型後政務官扳回一城，今次第三回合，相信比前兩回更慘烈！

添馬男                                    

                               
登錄/註冊後可看大圖

                               
登錄/註冊後可看大圖

TKT

講得好好，有素質

丁一一

係又唔錯, 起碼鬍鬚曾順眼Ｄ
聽講林鄭同奸英天天炒大鑊

Singasing

good, good, good

standbyme

鬍鬚做？得唔得架？

8sun

攪好民生就有民望.
梁粉攪呢樣嘢先會有救!