議員拉布多搞作 填表睇片寫稿

8sun

【明報專訊】立法會話咁快拉布拉咗5日，有啲新議員係第一次經歷拉布，但係大部分都係駕輕就熟。Emily去咗立法會咁多日，睇到唔少議員眾生相，有啲議員睇YouTube消磨時間，有啲就連員工考核表都有時間填！

                               
登錄/註冊後可看大圖

象哥差啲唔敢覆診
民建聯黃定光（象哥）話，原來黨團要求黨議員，如無特別嘢，就要留喺立法會大樓坐定定，搞到佢前日去瑪麗醫院覆診血壓血脂，都差啲唔敢去。象哥話「曾經滄海難為水」，上年都試過拉布之苦，自己會寫稿同睇YouTube片，食話梅止眼瞓。

衛生服務界李國麟就話，任教嘅公開大學好多嘢做，好似要準備教案，又要填員工考核表，所以趁呢段時間做晒佢。體育、演藝、文化及出版界馬逢國就推咗10個以上嘅業界活動，但係就有時間睇番3至4個月之前漏睇嘅電郵，但就唔可以做gym，無謂做做下要落返會議廳。佢又講笑咁話，坐得近拉布四子，就嚟要戴耳塞！

                               
登錄/註冊後可看大圖

其他唔拉布嘅議員，大都有出席會議，不過Emily發現，有幾名議員唔見影，包括民協馮檢基（基哥）、自由黨鍾國斌同醫學界梁家騮。基哥解釋，佢反對拉布，所以索性唔到，只會喺削減財爺人工修正案至會出席講嘢；鍾國斌就去咗韓國首爾考察，噚日返香港；怪醫就例牌話有其他嘢做，唔會去坐咁話。