六四事件影響大 印製標語落街派

陳卿

89‧64，不想回憶，未敢忘記，吳宗鑾為聲援北京的學生，自行拿著標語口號甚至尊子漫畫到文具鋪影印，自發到街上派發，「好記得當時老闆免費幫我影印，大家都同仇敵慨，好齊心」。若非六四，他未必會在大學選修政治與經濟，愛畫畫的他可能會以藝術科為首選，「六四對我嘅影響，真係好大」。

自稱「大中華膠」的他，童年小學時段與家人在台灣渡過，中學才回港唸書，畢業後打工儲錢後到澳洲升學，96年墨爾本大學畢業後加入的卻是資訊科技界，「覺得喺香港要生存，都要係建立咗經濟基礎先」。

「但係89六四事件後果團心火，一路無熄到」，至06年經濟開始穩定，膽粗粗傳電郵至民主動力自薦幫手，「結果蔡耀昌打嚟搵我約見面，當時佢都有啲懷疑，好似諗緊我係咪奸細？哈哈」。面試過關後輾轉更成為民動執委，加入民動後發現，「法律真係好重要，覺得自己好多嘢唔識」，結果07年在城大兼職讀法律，及後毅然轉行，2012年辭工到劍橋讀法律碩士，2015年成為大律師，跟過的師傅包括剛勝出大律師公會主席的戴啟思；徒弟仔與師傅一樣，希望更多人港人關注人權問題。

陳卿

自稱「大中華膠」 吳宗鑾批人大當《基本法》透明

由IT界轉跑道至法律界，法政匯思新召集人吳宗鑾自稱為「大中華膠」，認為香港民主政制無法脫離於中國，故要了解而非抗拒，但在香港法治受損的關鍵時刻，則必定要向中央干預之手說「不」，批評人大常委會以「決定」方式通過一地兩檢，當《基本法》透明影響尤深，不值得為經濟效益犧牲法治，指法律界日後須在法制爭議中多點發聲。

2015年才為大律師的吳宗鑾，此前一直在IT界打滾，希望更多律師關注人權問題，走出Comfort Zone闖進新地帶。近期接任法政匯思召集人，首場硬仗包括政府即將提交立法會審議的一地兩檢法案:「如果喺《基本法》內搵唔到根據，無理據都可以夾硬做，用人大決定繞過香港法理制度，影響係好深遠」。

一如其他法律界，吳宗鑾坦言人大「決定」對《基本法》帶來極大傷害，可謂回歸後最大重創，尤其中央未承諾下不為例，擔心相關做法陸續有來，「如果以後有需要時，就將《基本法》當透明，對香港法治影響實在太負面。」他強調當香港法治面對衝擊時，法律界有責任向公眾清楚解釋理據及風險，反問政府單純為了經濟效益，犧牲法治，「值唔值得？」

對於林定國領導的大律師公會就一地兩地太遲發聲，吳稱感到遺憾，「可能（出聲時）對成件事幫到嘅忙已經唔大」，故此也認同就法律爭議向公眾教育的重要性。

而在一地兩檢外，中央侵蝕《基本法》的事項，還包括就立法會議員的宣誓問題，在法院有裁決前便釋法，吳宗鑾直言，中央干預的手愈伸愈長，是他最擔心的事，「非常擔心嘅趨勢係，中央不斷強調一國兩制，但將一國放大倍數至（降低）對兩制嘅尊重，呢個模式下，一國兩制唔可能成功」。

他相信香港人「好實在、亦熱愛國家」，「唔擁護一國，唔代表要放棄兩制」，強調香港的成功在於一國兩制下的法治獨立等優勢，令本港仍然有競爭優勢，指商業機構也會考慮，「如果有一國、冇兩制，點解要喺香港成本咁高嘅地方營運做生意，不如去第二啲地方仲好？」，希望中央亦明白這一點。

小時曾在台灣居住的他，自稱為「大中華膠」，「喺文化歷史上會認同中國嘅概念，但當然唔認同共產黨」，警告中央不應干預之時，亦不排拒了解中國。他直指香港與中國是互相影響，「香港嘅民主政制發展，無法脫離於內地影響，如果對內地一無所知，純粹一味抗拒，對香港無好處」，強調「熱愛國家亦唔代表熱愛政黨」，深信香港在推動內地民主進步有一定作用。

例如即將殺到埋身的《國歌法》，吳宗鑾亦沒有閂閘，但明言若要訂立《國歌法》，最重要是在維護國家尊嚴時，與《基本法》賦予市民的表達權利取得平衡，故細節如何研定，非常重要：「一定要預留多啲空間，唔好太僵化咁要維護國家尊嚴，就令人有白色恐怖嘅擔心，唔可以令市民喺行使自由權利時誤墮法網。」

登錄/註冊後可看大圖 （袁志中攝                                 登錄/註冊後可看大圖 ）

登錄/註冊後可看大圖

登錄/註冊後可看大圖 法政匯思新召集人吳宗鑾自稱為「大中華膠」，認為香港民主政制無法脫離於中國，故要了解而非抗拒。（袁志中攝