西環集中營： 梁卸責兩司　順手插財爺

該政界人士指，梁聲稱政府事前沒有討論是否拒答遭司法覆核議員問題、自己完全不知情，根本是「語言偽術」，「可能政府真係冇討論過係咪唔答今次遭覆核嘅議員問題，但唔代表政府內部完全冇討論過點處理、亦唔代表梁唔知情」。他引述林鄭10月31日給立法會主席梁君彥的信件，當時法庭仍未對梁頌恆、游蕙禎案有判決，但林鄭信中白紙黑字寫明，「在法庭就上述訴訟作出最終判決前，公職人員出席立法會或其委員會會議時只會回應已依法妥為作出立法會誓言的議員的問題和意見」。即是說，只要遭政府司法覆核宣誓的議員，就算未有結果，政府也認定非依法妥為宣誓，不會回答他們問題。
林鄭有關立場理應事前在政府內部討論，該政界人士笑言梁全力砌梁頌恆、游蕙禎，「你話佢會唔會唔知10月林鄭畀立會封信嘅內容、會唔會冇份傾呢條line？」相信政府只不過將梁振英以往立場，再套用於新一批遭司法覆核議員身上，想不到惹來強烈反彈，連建制派也拒撐，「結果梁振英咪扮唔關自己事，將隻死貓卸畀林鄭同袁國強，順手插埋曾俊華，話佢唔應該咁做」，但相信全港市民也不信梁振英。