自製堆填區炸彈

TKT · 發表於 2013-7-8 11:56:36

堆填區擴建正迅速惡化，長毛宣稱會拉布阻撓，民建聯兩邊不是人，擴建隨時觸礁。梁粉諉過於政黨政客，林煥光頻頻將管治失敗歸咎立法會政黨。
堆填區及焚化爐事件，完全係梁粉政治操作失敗，與人無尤。「高開低收」——over promise, under deliver，乃梁粉施政一大特色，一開波就唔理三七廿一，討好咗傳媒群眾先，但跟手發現做唔到，便用語言偽術去兜，最後為求一時之快，三秒sound bite，而變成小人及庸官。
亂開空頭支票　自取其辱𠵱家堆填區及焚化爐之所以搞到一鑊粥，乃政客over promise, under deliver之典型案例。明知擴建堆填區及興建焚化爐，上屆政府一直細心部署，為爭取鄉事力量，尤其是屯門鄉紳支持，所以先擺劉皇發入行會，借發叔之力去說服鄉事勢力撐不受歡迎基建。第二步就係低調少說話，低調進行利益交換，以under promise, over deliver方式進行。當時萬事俱備，但遇上剛勝出選舉之新貴特首梁振英高調扮環保，認為先做源頭減廢，於是在梁粉環保人士及民建聯之助下，將本已成功上馬之工程推倒，當時小弟已預言日後梁振英必定瀨嘢。
因為遠水救唔到近火，政策上源頭減廢只係環保界白癡口號，根本不能當真，但競選時梁要爭民望，便有咁盡去咁盡，以凸顯唐英年支持焚化爐的落伍。
梁振英呢種羅湖城超A版「求變」訴求，配合梁粉報宣傳，的而且確成功令佢當選。出嚟行始終要還，𠵱家外邊指摘局長黃錦星冇料，拉唔到票，其實他不過係代罪羔羊。
陳茂波又係另一個典型，每當政策面對批評，二話不說便走民粹，立即討好傳媒市民，好似上次話研究解放軍用地起屋，一講完就要收番，最近又話研究收回粉嶺高爾夫球場用地起屋，結果第二日就顧左右而言他，支吾其詞。一年來市民唔信梁粉，就係因佢哋扮有型，開口中，但又交唔到貨。
過去政務官智慧「under promise, over deliver」，因為明知道香港政治建制乃築在浮沙之上，沒有堅固基礎，政治上才用穩守突擊策略。梁粉業餘政客，水平低，區議員level，要有型扮進步，變成高開低收，係自取其辱！
添馬男

登錄/註冊後可看大圖

丁一一 · 發表於 2013-7-8 11:59:07

朋友說: 自作孽，不可活。超級富豪們過仟萬會籍，超人亦是永久會員，全部皆可直通天庭。欺善怕惡的本性是不敢以下犯上的，這結果早已預料之內。

TKT · 發表於 2013-7-8 12:00:11

超抵死的班子: 曾德成同他全港會所,高球場...全部自動續約15年! 呢個班子衰在成日講大話呃人, 龍尾報告話冇海馬, 話收番高球場要2年....人人都識上網查, 有文化, 點到你班奸官亂噏? 奸英準備執包袱

Thomas_Chan · 發表於 2013-7-9 17:20:01

正白痴！人地新加坡，2000 年已開始研究如何處理廢物！他們會高熱消了，然後，運出一個人工島上，製成填海的巨磚。

當然，那個人工島上已有綠化……

如果香港搞得好，分分鐘，仲係一門生意！鄰近地區要付錢俾我地處理垃圾。搞到現在……

Singasing · 發表於 2013-7-9 18:24:30

所以明眼人都睇出（當然有亞爺亞叔加入·····作梗）呢班港官不特無能，最惨冇心工作，存心留給下一届！

Thomas_Chan · 發表於 2013-7-9 19:16:32

TKT 发表于 2013-7-8 12:00

登錄/註冊後可看大圖

超抵死的班子: 曾德成同他全港會所,高球場...全部自動續約15年! 呢個班子衰在成日講大話呃人, 龍尾報告話冇 ...

話時話，班所謂精英富豪，幾大地產財閥，如果有胸懷、有遠見、有魄力，現在就要抱緊呢個黃金機會！

攜手組成一個「垃圾聯盟」，捐個孤島出黎認真處理垃圾，掛個大名，伸出正義之手，免香港人垃圾費，又話可以製造幾多幾多本地的就業機會！做得好，個孤島上可建幾十個高爾夫球場賣會藉！更可以替廣東省鄰近地區處理垃圾（當然要收錢啦）。

咁，就可以搖身一變為救世者！根本就唔駛怕「飯民」，問題係班肚滿腸肥的賤精，不思進取，只安於食老本的賺錢方法，壓搾香港人。

Singasing · 發表於 2013-7-9 19:29:16

個個学你咁醒咩？
留發話要積極“製布“只因他有地要起低密豪宅，而擴建堆田剛在他隔壁………………
所以佢咁efficient

		自動登錄	找回密碼
密碼			注册