中門大開：跪求曾鈺成

TKT · 發表於 2013-5-29 11:34:23

最新港大民調顯示，18至29歲的年輕人中，有七成反對梁振英出任特首，而特區政府支持度也大幅下滑，滿意淨值下跌至負18，真係「該煨」。輿論正在傳出中央執行B計劃，梁下台只是時間問題，有記者兜口兜面問梁，佢只可以答一個字：「冇」。
建制派反梁　恐陸續有來
究竟有冇plan B？大家只係估估吓，2005年董建華下台前，年初到北京開兩會前夕，董本人仍未知，但其他人已傳到通晒巷，所以梁今次應該冇講大話。中央何時執行B計劃？唔係咁重要，當人人都相信佢會落台先至大件事。
首先建制派會保持距離，唔會死挺政府，因為一旦有變，會一齊陪葬。近月見到工聯會、民建聯好低調，自由黨更借反對擴建堆填區起義，擺明同政府對着幹。政府弱過雞，任何政策要闖過利益集團，都會引發更大政治危機，上屆政府本已埋尾興建新焚化爐，經過梁振英call停擱置，如今再上馬，當日支持力量已煙消雲散，要重新糾集建制力量上馬，真係睬你黃錦星都儍。
本來身處弱勢應該耷低頭密密手做實事，聚焦做好一兩件大政策已足夠，但唔知邊個咁好橋，竟然搞個「家是香港」純PR活動，結果又係俾傳媒冷嘲熱諷。避開爭議施政，專注派糖派福利又如何？唔派必死，但派也不一定可以賺到民望。因為巿民對政府不滿係信任問題，而非不滿某一項施政。年輕人受惠派糖少，老年人得益多，但政治活躍階層是18至29歲，所以越派糖越反感，董建華是死於政治，而不是民生，04年已走出03年沙士谷底，但群眾不滿未減退，7.1仍有20萬人上街，才導致中央決心換馬。
梁陷政治困境，相信中央及建制派中人都有提過意見改善施政，但最終佢仍然係一意孤行，呢種作風先至死得人。曾蔭權自2008年擴大問責制後民望下跌，只有進一步靠向民建聯及工聯會，凡事出台前同幾大頭頭先摸底，還有不能太着重政府尊嚴權威，在建制派前放下身段，咁先至能夠捱下去。
特區政府今日變了「毒男」，政策出台只有局長單打獨鬥，冇啦啦隊、冇小罵大幫忙之議員、學者及社會意見領袖，拿了政治酬庸者，只會更加袖手旁觀。自由黨切割只係第一步，最怕是跟住陸續有來。
建制派大佬幾經風浪，由老董、煲呔捱到今日，個個成精。要保命只有跪求曾鈺成、棠哥與嫻姐一途。

添馬男

登錄/註冊後可看大圖

TKT · 發表於 2013-5-29 11:38:16

何俊賢引述王光亞指無意換特首(星島)

一批漁農界及港區人大代表，早上在北京與港澳辦主任王光亞會面。民建聯漁農界立法會議員何俊賢在會後表示，王光亞特別提到香港有關換特首的謠言，重申並不存在，又期望各界堅持擁護梁振英施政。
何俊賢指出，王光亞在會上提及，香港近日有換人的謠言，他重申並不存在，又指並無「FormulaB」，並期望各界人士，包括香港漁農界堅持擁護《基本法》，堅持與特區政府充份合作，支持特首梁振英依法施政，為本港帶來最大的福祉。
何俊賢又說，王光亞亦有提到特區政府開局並不順利，但將來如果能夠得到全港市民、各界堅定不移的支持，相信這個局面必能慢慢好轉。
另外，何俊賢表示，內地當局對開放本港牛肉市場持積極態度，亦有正面回應。
而港區人大兼新界社會聯會理事長陳勇引述王光亞指，亞洲四小龍中，香港形勢已開始落後，必須加強民生及經濟發展，而代表團亦反映，不少港人反對「佔領中環」行動。

海龙 · 發表於 2013-5-29 21:05:42

林鄭對待唐英年與對梁振英不同,
有暗助梁振英壓唐英年, 令梁得票.
梁下馬, 林鄭有機上位.

Singasing · 發表於 2013-5-29 23:01:21

no la, 表叔會揾鬍鬚曾上！

		自動登錄	找回密碼
密碼			注册