中門大開：真正敵人

丁一一 · 發表於 2013-1-29 10:36:48

梁振英視泛民為頭號敵人，錯晒，真正敵人排隊都未到鐵頭何、長毛。                                              在香港政治中，九七前後也有一個鬆散嘅主流，而但凡被確認為建制主流者，行事都有規有矩，唔會太偏激，亦唔會趕盡殺絕，玩死對方為止。政見不同，但大家有偈傾，如夏佳理、梁智鴻、張建東、鄭慕智、張炳良、羅致光、陳婉嫻、曾鈺成……廿年來香港政局即使在中英鬥得最激烈時，何曾會搞到今日如斯田地。
大家在香港政治圈蒲得耐，有頭有面，行事有一套潛規則會遵守。好似李國寶俾美國證監查，自己主動請辭行政會議，當時根本未有起訴，最後雙方和解收場。
對比今日陳茂波、林奮強作為，中環人會心諗：「呢班梁粉究竟乜嘢人嚟㗎？」有梁振英做頭，眾人政治道德標準已變了「犯法兼定罪」為最低標準，總之唔犯法，或冇起訴定罪，就做乜都得！如此一來，傳媒公眾自然更加不忿氣，於是千方百計找尋佢嘅犯法證據，而執法部門一旦有些少偏差，也會遭到波及。
以陳茂波醉駕為例，如果佢政治上能處理好，主動認錯道歉，乞求原諒，而非諉過傳媒，巿民自然冇咁嬲，即使律政司放生，大家就算數，唔會連律政司都砌埋一份。
至於梁振英涉嫌賄選，以行會職位換取Dream Bear選委的支持，若Dream Bear確認真有其事，ICAC冇理由唔查，老廉若不立案調查，又係會賠上了香港執法機關聲譽。

追殺唐英年　玩番自己
香港政治去到今日咁極端，始作俑者是特首選舉期間，發展局及屋宇署誓不罷休，用盡方法釘死唐英年，半年來動用刑事調查定要將他入罪，熟知有關法律嘅專業人士，都認為呢種做法極之罕見，若非唐英年頂唔順高調公開反擊，相信調查仍未終止。但如此手段猶如雙刃劍，傳媒及政黨樂於睇戲，但同時會要求用同一嚴苛標準去對付梁振英，咁嘅環境仲講乜嘢大和解。
當初堅持用非常手段追殺唐英年僭建之人，如果係出自梁振英之手，就係咎由自取，玩人玩番自己，若果唔係梁振英的話，此位頭號花生友政治目的為何，大家應該深思。

添馬男

登錄/註冊後可看大圖

丁一一 · 發表於 2013-1-29 10:40:22

"好似李國寶俾美國證監查，自己主動請辭行政會議…."

整個班子不知恥，呢班梁粉究竟乜嘢人嚟㗎？

TKT · 發表於 2013-1-29 18:56:28

整個班子不獨沒有仁義道德，更缺…超無恥！

		自動登錄	找回密碼
密碼			注册