我早有預見：土共操控，香港必亂！

Singasing · 發表於 2012-9-25 13:50:38

政治整容術
在曾蔭權年代，傳媒都鍾意指摘佢愛政治化妝，有相當貶意。到梁振英上場後，大話連篇，傳媒也不以為意。以新界東北發展為例，係人都知梁振英、張志剛、一大班梁粉智囊及左佬師承老董，一直希望將港深邊境模糊化，開發河套、邊境經濟及跨界合作，包括將河套變成六大產業基地，仿效澳門橫琴模式，前海變成金融業特區。公眾有Perception認為東北開發是支援深港融合，並不為過。
胡亂堆砌政策　好快現形但梁振英及陳茂波因想東北計劃從速上馬，採用避重就輕、講一半唔講一半之策略，強將東北計劃扭曲成為了解決資助房屋不足問題，林鄭更打倒昨日之我，在上京前公開表示東北開拓土地是為了解決建屋需求。
梁振英經常掛在口邊乜嘢「行之正道」、「開誠佈公」，根本就係廢噏口號。林鄭做發展局局長之時主導土地開發政策，當時諮詢開拓土地之方案，係在維港以外進行填海及踩入綠色地帶，佔用郊野公園地，從來冇講過以新界東北作為政府土地儲備之基礎，今日政府根本已全無誠信可言，噏得出就噏，只想從公關層面過關，將政策原則及理性丟埋一邊，如此施政作風，只會更進一步失信於民。
官場中人個個頭擰擰，因為在曾蔭權年代，即使面對公眾對融合的質疑，也不會「契弟」到自我否定，官員認為佢論據多係老老土土，不外是融合有利就業，搞活經濟，但至少老實。振英茂波強將東北發展扭成解決本地住屋問題，係比曾蔭權聰明，但就冇道德可言。
為政者最基本操守，係不可欺騙市民，也不可隱瞞事實。陳茂波急於求成，梁振英亦唔想失寵中央，變成范太口中之無能特首，一致認為東北大計不容有失，以致事急馬行田，胡亂堆砌政策理據。
到計劃一上立法會，會立即現形。如果煲呔擅長政治化妝，振英更上層樓，佢用嘅係政治整容術，僭建堆砌，不合情理，爆煲在即！
添馬男

Thomas_Chan · 發表於 2012-9-25 19:30:16

「良心鷹」的「百日維生」已屆，係同佢算算帳……

當日，佢當選，有 D 上（口左）年紀的天真小朋友，話要俾機會佢，唔好一味嘈，現在又睇下佢地點唸？

TKT · 發表於 2012-9-25 20:03:36

大隻講，而家連林鄭個相都奸埋，講嘢嗰陣又咪埋眼，對眼四圍碌，閃爍不定，好人有限。成個班子，揾唔到個好人，那潮州膠波硬掘掘要殺人咁欵，林玩光又成日陰陰笑，你死好喇，味旨意我會幫你嘅態度，咁嘅正苦…好在我仍未要靠佢哋

		自動登錄	找回密碼
密碼			注册