郝鐵川調職搞史

TKT

隔牆有耳：屎嘞！唔通講多錯多燉冬菇？
                                                                                                

                               
登錄/註冊後可看大圖

                               
登錄/註冊後可看大圖

香港呢排俾強國屎尿纏繞，估唔到有啲人咁重口味，自動獻身話要「搞史」，但當然此「史」不同彼「屎」。八方講緊嘅其實係中聯辦宣傳文體部前部長郝鐵川，原來佢早前銷聲匿迹後，係就係調返上海，但唔係去華中師範大學政法學院做黨委書記，而係調去做上海市文史研究館館長專心「搞史」。有熟悉中國官場人士話呀，雖然呢個職級同中聯辦文宣部部長相近，冇降呢味道，但明顯係坐冷板凳喎。                                                                                                   
                           
暗示唔適應官場生活                                                                                                                                       
話說早前郝鐵川無聲無息被調任，惹來政界中人唔少揣測，由於佢經常「語出驚人」，喺香港搞出唔少風波，例如佢曾經話香港如果出現不可控制嘅情況，中央可以宣佈特區進入緊急狀態喎。由於呢次係佢最後一次公開發言，有人懷疑佢因此被燉冬菇，點知之後即刻有消息話佢其實係被平調去母校、即係上海華東政法大學做黨委書記啫。

但八方嘅老友季陶之前卻發現，華東政法大學教職員名單上唔見郝鐵川大名，覺得事有蹊蹺，有口痕友話佢唔知係咪出咗乜嘢事，點會咁耐唔蒲頭？近日有人喺微博報料，話郝鐵川查實係主動揀咗個「閒差」嚟做，係乜嘢呢？原來係去上海文史研究館做館長，名副其實擔當「搞『史』棍」。呢位爆料者仲話呀，華東政法大學出身嘅幾位官員，「終脫不了書生氣，於官場難以交融」，暗示郝鐵川唔適應官場生活咁喎。

八方噚日打過去文史館求證，佢哋職員證實郝鐵川已經調任文史館，但仲未正式返工，如無意外，放埋5.1假期就會上任㗎嘞。博訊新聞網則話，郝鐵川係出任上海文史館「閒職」。文史館係廳級單位，郝等同平調，但大爆佢本來想爭上海市委宣傳部副部長一職但唔成功，心灰意冷先退回書齋喎。                                                                                                        
                           
pf_lee@appledaily.com

                               
登錄/註冊後可看大圖

                                                                                                                    

                               
登錄/註冊後可看大圖

TKT

暗示唔適應官場生活

咁....不如返鄉下執牛屎起屋啦