中門大開：公開自慰症候群

TKT

報載一名地盤工人在東鐵車廂向女乘客掏出下體再搽潤髮乳，俾其他乘客報警拘捕，罪名成立判罰1,800元。一念之差，冇咗份工，冇晒面，真該煨。但其實香港政客，日日公然在公眾前表演自慰，仲要逼大家睇，點解又冇得到應有懲罰？
梁振英落區爛show，每次均搞出大頭佛。上次去天水圍，由黑色梁粉護航，全港譁然；上星期去北角，俾社民連掟蛋及丟路姆西，引爆全港用粗口諧音羞辱梁振英熱潮，成為國際新聞，身為特首日日俾人問候娘親，顏面何存。佢嘅支持度淨值創最低紀錄負46，差不多人人喊打，而佢又竟然冇自知之明，仍不斷表演親民show，猶如逼已討厭佢嘅普羅大眾睇佢自慰，你話幾乞人憎。

如果香港行政黨政治，你返去自己選區大本營，動員後援會、地區黨部及樁腳支持者舉行集會，為你送上溫暖，你鍾意做乜都得，因為你用緊政黨身份及黨資源從事政治宣傳活動。在會場內係自己政黨支持者，人人搖旗吶喊，當正你係曼德拉級數偉人都冇所謂。但當你用行政長官身份去諮詢施政報告及財政預算案，處理的是公務，不是宣傳，但閣下用盡方法去屈機，如出動排隊黨，用低能派籌方式，以確保將反對者減至最低，場內充斥自己友叫囂鼓掌，搞到好似政黨群眾集會，呢種做法就大有問題，根本違反政治倫理。
                                   
形同黨派集會　浪費警力                                       
首先，諮詢會動用大量公帑籌辦，包括數以百計警力，目的唔係為保特首安全咁簡單，而係確保諮詢會能公正公開地舉行。你班友當正係自己黨派集會咁搞，如果咁玩法，根本唔應該派大量警察，應由黨友黑色梁粉做保安。你越係搞到似黨派集會，反對者就越係要衝擊你，道理一字咁淺！

再者，你場戲做得咁假，一班政治演員輪流在台下發問，北角會場內有人甚至將佢比喻為偉人曼德拉，一個正常香港人見到咁屎嘅政治演出，而仲係自己要畀錢，你話有幾火大？香港政治變成北韓水平，睇見都心痛。呢種共產國家造神運動，大陸新領導都唔用，唔敢做得太假，偏偏香港一個市長，仍樂此不疲。

今時唔同往日，金正恩視察時就算掉轉望遠鏡用都冇所謂，因為北韓冇新聞自由、言論自由，但香港仍然有自由，所以變成梁振英越係積極用力宣傳，巿民越不滿，民望越低之怪圈。
添馬男                                    

                               
登錄/註冊後可看大圖

                               
登錄/註冊後可看大圖

丁一一

越來越討厭 689 !