慢必冧低 見盡人情冷暖

丁一一

正所謂「醫者父母心」，雖然政見唔同，但本身係醫生嘅梁粉局長高永文，噚日喺立法會答問大會上見到絕食咗10日嘅人民力量陳志全（慢必）抗議後見暈，即刻衝前扶住，仲幫佢診症，但俾慢必高叫下台嘅狼振英就一直冷眼旁觀，連杜汶澤都睇唔過眼，喺facebook大鬧狼振英冇人性，高叫打倒狼英。                                    

                               
登錄/註冊後可看大圖

■醫者父母心，高永文同埋郭家麒即刻上前睇症。曾顯華攝
「主診醫生」高永文全程傍實7.1晚後絕食至噚日嘅慢必，坐住輪椅入立法會議事廳時都幾虛弱，但撐住發言要求梁振英下台，覺得特區係時候源頭減廢。狼振英堅持唔落台，慢必壓抑唔到怒火，一個箭步衝去狼振英面前喪鬧，但好快捱唔住不支倒地幾乎暈倒，陳偉業同舊黨友黃毓民見狀即時趨前攙扶，保安亦攞咗張輪椅畀慢必休息。
與此同時，一直坐喺官員席嘅食物及衞生局局長高永文，好緊張咁飛奔去慢必身邊，摸完佢塊面又幫佢量脈搏，全程傍實呢位病人。高永文之後仲好似慢必主診醫生咁，向傳媒講解病情，話慢必只係冇乜嘢精神同唔想講嘢，並冇失去知覺，仲安排咗慢必去瑪麗檢驗㖭。





                                        最後慢必瞓喺擔架床被送去醫院，噚晚佢喺fb報平安，話聽從醫生建議停止絕食，牛奶同餅乾係佢絕食後第一餐，楊匡同劉莎莎仲去探病。
黃秋生雖然冇鬧狼振英冇人性，但噚日亦喺fb恥笑呢位特首答問題時，嚟嚟去去嗰幾招，唔係話自己好有信心，就話會虛心聆聽。能夠惹咁多人不滿，狼振英真係好有凝聚力。

mailto:pf_lee@appledaily.com                                    

登錄/註冊後可看大圖 ■兩位醫生全程傍實慢必，喺立法會前廳「施救」。

登錄/註冊後可看大圖 ■慢必喺fb同網民分享絕食後第一餐︰牛奶同餅乾。

                               
登錄/註冊後可看大圖

                               
登錄/註冊後可看大圖