開會變C奶！拉布劣「織」

8sun

立法會自上星期三開始，審議財政預算案嘅拉布戰差唔多每日進行，要求點人數嘅鐘聲響個不停。所以，悶爆嘅議員最好不過就係坐定定學整手工藝嘞。陳恒鑌（阿Ben）最近就爭取用呢段時間學織頸巾，但上星期三見佢明明織咗兩、三米長，點解最近見佢織緊嗰條頸巾仲短過之前嘅？

                               
登錄/註冊後可看大圖

陳恒鑌                  

原來阿Ben條頸巾要重新織過，阿Ben話，喺議事廳入面織頸巾真係難度好高，因為一方面要留心聽會，另一方面就係有啲時候，社民連梁國雄等人嘅言論搞到佢熱血沸騰，佢又唔可以一心二用，所以一唔留神，就織得慢同頻頻出錯，結果原本四十二針嘅頸巾，無端端就變咗五十針。就呢幾日而言，佢已織錯過兩次，所以咪要拆咗從頭嚟過囉。阿Ben話，如果淨係咁都冇乜所謂，最慘係要加埋被老婆潤佢無天分，真係灰爆，所以依家好佩服啲女仔點解可以又快、又靚咁織完條冷頸巾咁話。                                                                        

不過，民建聯主席譚耀宗日前透露，萬眾期待嘅剪布即將到來喎，阿Ben嘅頸巾會唔會喺剪布前織得完o架？阿Ben就話，如果真係咁快剪布嘅話，大家高興時，佢失少少威都無妨喎。

Orientaldaily

丁一一

天呀！民選立會議員原來可以咁樣！

Thomas_Chan

香港真的會滅亡了……

一如，眼見日本男，不是宅，就不文不類，就可預見日本一蹶不振。

反而，南韓男子陽光正氣，可折射出國勢日盛的榮景。